अभाने एकता मञ्चको छैठौं क्षेत्रीय सम्मेलन दिल्लीमा सम्पन्न
हिमाल पोष्ट/नयाँ दिल्ली ,फाल्गुन २
अखिल भारत नेपाली एकता मञ्च(माओबादी केन्द्र)को छैठौं क्षेत्रीय सम्मेलन आईतबार दिल्लीमा सम्पन्न भएको छ। सम्मेलनमा दिल्ली, हरियाणा, उत्तर प्रदेश, उत्त्तराखंड र छत्तीसगढ़ सम्मिलित भएका थिए । तिन दिन सम्म चलेको उक्त कार्यक्रम आईतबारको बन्द सत्र तथा घोषणा सभा सम्पन्न भएको हो ।
कार्यक्रममा प्रमुख अतिथि पूर्व उपप्रधानमन्त्री तथा पार्टी उपाध्यक्ष नारायणकाजी श्रेष्ठको रहेको थियो भने कार्यक्रममा भारतमा रहेका बिभिन्न जनवर्गीय संगठन एवंम् गैर राजनैतिक संघ सस्थाका प्रतिनिधिको पनि उपस्थिति रहेको थियो ।
कार्यक्रममा प्रमुख अतिथि श्रेष्ठले चाडै नै स्थानीय चुनाबको मिति घोषणा गरिने भन्दै दलहरुलाई सहमतिमा आउन आग्रह पनि गरेका थिए ।
अभाने एकता मंचका केन्द्रिय सचिवालय सदस्या आर.बि. खड्काको अध्यक्षता, उप-संयोजक शिवचन्द्र सोदारीको स्वागत मन्तव्य र खगेन्द्र ढकालको संचालनमा कार्यक्रम सम्पन्न भएको थियो ।साथै बिभिन्न सांस्कृतिक कार्यक्रमहरु पनि देखाईएको थियो ।
सोहि दिन ज्ञान बहादुर केसीको अध्यक्षतामा ५१ सदस्यीय क्षेत्रीय कार्यसमिती गठन भएको छ। जसमा उपाध्यक्ष कृष्णा कुँवर , नेत्र रावल र मोतीराम ,सचिब अर्जुन दयाल, सह-सचिब मदन सिंह धामी र गोविन्द भण्डारी एवंम् कोषाध्यक्ष सूर्या राना रहेका छन् ।