विजयकुमार गच्छदार भन्छन निर्वाचनअघि नै कांग्रेससँग एकीकरण हुन्छ
विराटनगर /असोज २६ ।
उपप्रधान एवं संघीय मामिला तथा स्थानीय विकास मन्त्री विजयकुमार गच्छदारले नेपाल लोकतान्त्रिक फोरम र नेपाली काँग्रेसबीच निर्वाचन अगाडि पार्टी एकीकरकण हुन सक्ने बताउनुभएको छ ।
विराटनगर विमानस्थलम बिहीबार साँझ सञ्चारकर्मीसँग कुरा गर्दै उहाँले यसबारे दुवै पार्टीका नेताबीच सहमतिपछि बृहत लोकतान्त्रिक गठबन्धन निर्माण हुने र यसमा साना दलसमेत सहभागी हुने बताउनुभयो ।
उपप्रधानमन्त्री गच्छदारले वर्तमान सरकार तोकिएको समयमै प्रतिनिधि सभा र प्रदेश सभाको निर्वाचन गराउने सम्बन्धमा सबैलाई ढुक्क हुन पनि आग्रह गर्नुभयो ।
राप्रपालाई सरकारमा सहभागी गराउने गरी सहमति भएअनुसार नै प्रधानमन्त्रीले आफ्नो अधिकारको प्रयोग गरी सरकारमा लैजान लागेको उहाँको भनाइ थियो ।