कांग्रेस उम्मेदवारको गाडीलाई लक्षीत गरी बम विष्फोट
दाङ । दाङमा प्रदेशसभा सदस्यका उम्मेदवार भरतबहादुर न्यौपाने चढेको गाडीलाई लक्षीत गरी बम विष्फोट भएको छ ।
सोमबार दिउँसो करिब सवा ४ बजेको समयमा क्षेत्र नम्बर २ का उम्मेदवार भरतबहादुर न्यौपाने चढेको गाडीलाई लक्षीत गरि बम प्रहार भएको हो ।
तुलसीपुर उपमहानगरपालिका–१९ छिल्लीकोटबाट सदरमुकाम फर्कने क्रममा न्यौपाने चढेको गाडीलाई लक्षीत गरी बम प्रहार भएको न्यौपानेको छोरा प्रचण्डदेव न्यौपानेले जानकारी दिए ।
गाडी भन्दा केही दुरी अगाडी बम विष्फोट भएको थियो । बम प्रहारबाट कुनै क्षति भने नभएको बताईएको छ । न्यौपाने कांग्रेसतर्फबाट दाङ निर्वाचन क्षेत्र नं. २ प्रदेश सभा २ का उम्मेदवार हुन् ।