दिल्ली क्यापिटल्स सबैभन्दा माथि पुग्यो « Himal Post | Online News Revolution
Logo

दिल्ली क्यापिटल्स सबैभन्दा माथि पुग्यो



काठमाडौं– इन्डियन प्रिमियर लिग (आईपीएल) टी–ट्वान्टी क्रिकेटमा दिल्ली क्यापिटल्सले चेन्नई सुपर किङ्सलाई पारजित गरेको छ।

दुबईमा सोमबार राति सम्पन्न खेलमा चेन्नईलाई ३ विकेटले हराउँदै दिल्ली अंक तालिकामा सबैभन्दा माथि उक्लिएको छ।

चेन्नईले दिएको १ सय ३७ रनको लक्ष्य दिल्लीले १९ ओभर ४ बलमा ७ विकेट गुमाएर पूरा गर्यो। दिल्लीको जितमा शिखर धवनले सर्वाधिक ३९ रन बनाए भने शिम्रन हिटमायर २८ रनमा अविजित रहे।

पृथ्वी श र रिपल पटेलले समान १८÷१८ रन जोडे। चेन्नईका रविन्द्र जडेजा र शार्दुल ठाकुरले २÷२ विकेट लिए। यसअघि टस हारेर पहिले ब्याटिङ गरेको चेन्नईले २० ओभरमा ५ विकेट गुमाएर १ सय ३६ रन बनाएको थियो।

चेन्नईका अम्बाती रायडुले अविजित ५५ रन बनाए भने रोबिन उथप्पाले १९ तथा महेन्द्र सिंह धोनीले १८ रन बनाए। दिल्लीका अक्षर पटेलले २ विकेट लिए।

यस जितसँगै १३ खेलमा २० अंक जोडेको दिल्ली शीर्ष स्थानमा उक्लिएको छ। १८ अंकका साथ चेन्नई दोस्रो स्थानमा रहेको छ।