४२ वर्षदेखि ५ कक्षा पासगर्ने कोही नभएको यो स्कुल ।
१५ साउन, काठमाडौँ ।
अचम्मको कथा जस्तै लाग्छ तपाईँलाई कक्षा ५ सम्म पढाइ हुने विद्यालयमा शिक्षक जम्मा एक जना छन् भन्दा तर, यो सत्य नै हो । हिमाली जिल्ला हुम्लाको नाम्खा गाउँपालिका–५ यारीमा रहेको अरनिको आधारभूत विद्यालयको काहानी यस्तै छ । कक्षा ५ सम्म पढाइ हुने विद्यालयमा जम्मा एक जना शिक्षक छन् । उनी कहिले आउँछन् आउँदैनन्, ठेगान हुँदैन ।
शिक्षक नै आए–नआएको हिसाब नहुने विद्यालयमा विद्यार्थीको हाजिरी कसले गर्ने ? सायद त्यसैले ४२ वर्षदेखि सो विद्यालयबाट कक्षा ५ पास गरेर कोही पनि बाहिर गएको छैन ।
हिमाली जिल्ला हुम्लाको नाम्खा गाउँपालिका–५ यारीमा रहेको अरनिको आधारभूत विद्यालय पुग्न सदरमुकाम सिमकोटबाट तीन दिन लाग्छ । हाल शिशु कक्षामा १४, १ मा आठ, २ मा ६, ३ मा चार र कक्षा ४ मा पाँच गरी ३५ जना भर्ना छन्
आजको नयाँ पत्रिका दैनिकमा खबर छ ।
५ कक्षासम्म पढाइ हुने भए पनि सो कक्षामा कुनै पनि विद्यार्थी छैनन् । कक्षा ५ त अहिलेसम्म कसैले पास गर्न सकेको छैन ।