ईश्वर पोखरेल र ज्ञानेन्द्रबीच केके कुरा भयो ? (भिडियो सहित)
काठमाण्डौ । कार्यबाहक प्रधानमन्त्री ईश्वर पोखरेल पूर्वराजा ज्ञानेन्द्र शाहलाई भेट्न निर्मल निवास गएको चर्चा चलिरहेको छ । कतैबाट पनि यसको पुष्टी नभइरहेका बेला प्रधानमन्त्री केपी ओलीका परराष्ट्र सल्लाहाकार डा. राजन भट्टराईले पोखरेल निर्मल निवासभित्र पसेको जिकिर गरेका छन् ।
किन र केका लागि पोखरेल ज्ञानेन्द्र निवास गए त भन्ने प्रश्नमा भने भट्टराईले बाँकी कुरा आफूलाई जानकारी नभएको बताए ।
प्राइम टाइम्स टेलिभिजनको कार्यक्रम जनता जान्न चाहन्छन्मा ऋषि धमलासँग कुरा गर्दै डा. भट्टराईले अहिलेको अवस्थामा ज्ञानेन्द्र शाहमाथि जाइलाग्नु आवश्यक नरहेको पनि बताए । शाहसँग कुनै शक्ति र अधिकार नभएको अवस्थामा केही गर्लान् भनेर डराउनुपर्ने अवस्था नरहेको उनको तर्क छ ।
भट्टराईले प्रधानमन्त्री ओली सफल भएको तर प्रतिगामी शक्तिले असफल बनाउने प्रयास गरेको पनि बताए ।
फरक प्रसंगमा उनले नेपाल भारत प्रवुद्ध समुहले तयार पारेको इपिजी प्रतिवेदन अब छिटै भारतका प्रधानमन्त्री नरेन्द्र मोदीले बुझ्ने पनि दाबी गरे ।