अब काठमाडौंमा घरभाडा समायोजन हुने, व्यक्तिले भाडामा लगाउन नपाईने
काठमाडौं- अब काठमाडौं महानगरपालिकाभित्र घर जग्गा भाडासम्बन्धी काम व्यक्तिले गर्न नपाउने भएका छन् ।
अबदेखि घर भाडा र जग्गा भाडासम्बन्धि काम कम्पनीमार्फत मात्रै हुने व्यवस्था गरिएको छ । महानगरका मेयर बालेन शाहले आगामी आवको नीति तथा कार्यक्रममार्फत उक्त व्यवस्था गरिने जानकारी दिएका हुन् ।
आइतबार उनले नीति तथा कार्यक्रम सार्वजनिक गर्दै घरजग्गा बहाल कम्पनीमार्फत मात्रै हुने व्यवस्था हुने बताए ।
संघीय सरकारले समेत घरजग्गा बिक्रीवितरण कम्पनीमार्फत गर्ने नीति लिएको छ । मेयर शाहले घरजग्गा भाडालाई व्यवस्थित गर्न सो नीति अपनाएका हुन्।
यो व्यवस्थाले काठमाडौंमा चर्किएको घरभाडा पनि केही समायोजन हुने आँकलन गरिएको छ ।