नेपाली कांग्रेस नेता न्यौपाने र विजेपी नेता कैलास विजय वर्गीय बीच दिल्लीमा राजनैतिक भेटघाट
हिमाल पोस्ट /नयाँ दिल्ली ,साउन २६
भारतीय जनता पार्टीका राष्ट्रिय महासचिव कैलास विजय वर्गीय र नेपाली कांग्रेस नेता यज्ञ प्रसाद न्यौपानेको दिल्लीमा शिष्टचार भेटघाट बिहिवार भएको छ ।
भेटमा नेपाल -भारत बिचमा रही आएको पुरानो धार्मिक, सास्कृतिक र राजनैतिक विषयहरुमा छलफल भएको छ ।
सोहि अबसरमा नेता न्यौपानेले नेपाल परापूर्वक काल देखि हिन्दु राष्ट्र रही आएको र नेपाल फेरी हिन्दु जीवन सैलिमा फर्कनु पर्ने कुरा विजेपी महासचिव कैलास विजय वर्गीयलाई अवगत गराउनुभएको छ ।
न्यौपानेले विजेपी नेता विजय वर्गीयलाई पशुपतिनाथको दर्शन र सद्भावना नेपाल भ्रमणको लागि निम्तो पनि दिनु भएको छ ।नेता वर्गीयले चाडै र उपयुक्त समयमा भ्रमण गर्ने बताउनु भयो ।
नेता न्यौपाने हिन्दु राष्ट्र पुनः स्थापना मंचका अन्तर्राष्ट्रिय महासचिव एवंम् राजनैतिक सल्लाहाकार पनि हुनुहुन्छ ।