पिडित किशोरीले बयान फेर्दै भनिन्: पल शाहले बलात्कार गरेका होइनन्
काठमाडौं- अभिनेता पल शाह प्रकरणमा नयाँ ट्वीस्ट देखिएको छ । पिडित भनिएकी किशोरीले बयान फेरेपछि यो प्रकरण अन्यत्रै मोडिएको हो ।
अभिनेता शाहमाथि बलात्कारको अभियोग लागेको मुद्दामा पीडित किशोरीले बयान फेरेकी हुन् ।
नाबालिग पीडित किशोरीले जिल्ला अदातल तनहुँमा दिएको बयानमा नायक शाहले आफूलाई बलात्कार नगरेको बताएकी छन् ।
नायक शाह पुर्पक्षका लागि थुनामा भएका बेला किशोरीले बयान फेरेकी हुन् । उनले आफूमाथि बलात्कार नभएको बताएको स्रोतले बताएको छ जानकारी ।
अदालत स्रोतले भन्यो, ‘पिडित किशोरीले बयान फेरेकी छन्, यो प्रकरण मोडिएको छ ।
किशोरी पक्षले यसअघि शाहलाई १२ देखि १४ वर्षसम्म कैद सजायको मागदाबी गरेको थियो ।