दिनभर बनभोजमा बिताएका पूर्व युवराज पारसले देशको बिकाश निर्माणका बारेमा खुलेरै बिचार साटे « Himal Post | Online News Revolution
Logo

दिनभर बनभोजमा बिताएका पूर्व युवराज पारसले देशको बिकाश निर्माणका बारेमा खुलेरै बिचार साटे



बैसाख, २१ ललितपुर

पूर्व युवराज पारस शाहले बुधबार ललितपुरको लाँकुरीभञ्ज्यागं पुगेर पिकनिक मनाएका छन् । राजसंस्था पूनर स्थापनाका लागि  क्रियाशिल रंहदै आएको संस्था राष्ट्रिय सरोकार मन्चले नव बर्ष २०७४ को शुभकामना आदान प्रदानका लागि आयोजना गरेको बनभोजमा सहभागी हुन पूर्व युवराज पारस लाँकुरीभञ्ज्यागं पुगेका हुन् ।

बनभोजको बारेमा पारस निकट ब्यक्ती र राजसंस्था प्रति आस्था राख्ने कलाकार तथा लेखक र बौद्धिक ब्यक्तीहरुलाई मात्र जानकारी दिईएको भएपनि उनि लाँकुरीभञ्ज्यागं जाने कुरा थाहा पाएका सर्वसाधारण समेत उनलाई भेट्न बनभोज कार्यक्रममा पुगेका थिए । करिव ४ घण्टा बनभोज स्थलमा बिताएका पारसलाई भेट्न स्थानियहरु समेत जम्मा हुँदा माहौल खचाखच बनेको थियो ।

कार्यक्रममा गायक योगेश्वर अमात्य, जेम्स प्रधान, लेखक डा. शास्त्रदत्त पन्त, सुदुरपश्चिम पर्यटन अभियन्ता किशोर खड्का, पूर्व कर्नेल नवल शाह, पासरका मित्र सन्त, ब्याघ्रवेदनाथ  (प्रवनजंग सिंह ) लगायत पूर्व जर्नेल, कानुनबिद्, राष्टभक्त युवाहरु तथा  पारसका स्कुले जीवनका सहपाठीहरु समेतको बाक्लो उपस्थिती रहेको थियो । सञ्चार माध्यमलाई समेत जानकारी नगराईएको भएपनि बनभोज कार्यक्रमबारे सुचना पाएका सञ्चारकर्मीहरु कार्यक्रममा पुगेका थिए ।

लामो समय कार्यक्रम स्थलमा रहेका पारस उपस्थित सबैसंग खुलेरै बोलेका थिए । साधारण मान्छे जसरी नै पारस घुलमिल भएपछि सबैले उनिसंग फोटो खिचाएका थिए भने आ आफ्ना मनमा लागेका कुराहरु पनि उनिसंग सोध्ने मौका दिईएको थियो । सबैले चासो राखेको राजसंस्था र देशको पछिल्लो राजनितिक अवस्थाबारे उनले बोल्न नचाहेपनि देशको स्वास्थ्य, शिक्षा लगायतका बिकाश निर्माण र रचनात्कम कामका बारेमा भने उनले आफ्ना बिचारहरु साटेका थिए ।

लामो समयदेखि पूर्ब युवराजको भ्रमणमा सहयोग गर्ने, राष्ट्रियका मुद्धाहरुमा आवाज उठाउने लगायतका कामहरु गदै आएको संस्था राष्ट्रिय सरोकार मन्चका अध्यक्ष सोम बिक्रम सिंहले अबका दिनमा पूर्ब युबराजलाई थप रचनात्मक कार्य र गतिबिधिमा संलग्न गराउँदै लैजाने जानकारी दिएका छन् ।

 

तस्बिर :किशोर खड्काको सहयोगमा