पूर्व शिक्षकलाई हराउँदै पूर्वलडाकु विजयी
कैलाली, २० असार ।
जिल्लाको कैलारी गाउँपालिका अध्यक्षमा नेकपा माओवादी केन्द्र विजयी भएको छ । उक्त गाउँपालिकामा माओवादीका लाजुराम चौधरीले ६ हजार २ सय ४ मत ल्याएर जित हासिल गरेका हुन् । चौधरीका प्रतिद्धन्द्धि नेपाली कांग्रेसका रामसमत चौधरीले ५८८७ मत ल्याएका छन् ।
त्यस्तै गाउँपालिका उपाध्यक्षमा पनि माओवादीकै लक्ष्मी छत्गौवा ६ हजार ६४ मत ल्याएर विजयी भएकी छन् । निकटतम प्रतिद्वन्दी कांग्रेसकी अनिता चौधरीले ५ हजार ४ सय ७ मत ल्याइन् । लाजुराम पूर्व माओवादी लडाकु हुन् भने रामसमत शिक्षकबाट राजीनामा दिएर गाउँपालिका अध्यक्षको उम्मेदवार बनेका थिए ।