आफ्नो पार्टी तहसनहस पारेर राप्रपा प्रवेश गर्दै रवीन्द्र मिश्र - Himal Post Himal Post
  • २२ श्रावण २०७९, आईतवार
  •      Sun Aug 7 2022

आफ्नो पार्टी तहसनहस पारेर राप्रपा प्रवेश गर्दै रवीन्द्र मिश्र



विवेकशील साझा पार्टीमा उत्पात मच्चाएर अध्यक्षबाट राजीनामा गरेका पूर्वपत्रकार रवीन्द्र मिश्र राष्ट्रिय प्रजातन्त्र पार्टी प्रवेश गर्ने बएका छन् ।

साझा पार्टी खोलेर विवेकशीलसँग एकता गरेपछि एकपछि अर्कोलाई कारबाही गर्दै पार्टी नै विवादित बनाएका मिश्र राप्रपामा प्रवेश गर्न लागेका हुन् । उनी अहिले राप्रपाको नेतृत्वसँग संवादमा रहेको बताइन्छ ।

राप्रपासँग निरन्तर सम्पर्कमा रहेका मिश्रले आफू पार्टीको अध्यक्षमै हुँदा पार्टी एकता गर्न खोजेका थिए । त्यसपछि पार्टीमा उत्पन्न परिस्थितिले उनले केहि गर्न नसक्ने भए । साझा विवेकशीलका नेताहरूलाई निषेध गर्नेदेखि कारबाही गर्ने सम्मका उत्पात मच्चाएका मिश्रविरुद्ध बहुमत पुग्यो ।

राजतन्त्र सहितको ब्यबस्था लगायतका योजना सहित ल्याएको उनको प्रस्तावले पार्टीमा तरंग पैदा भयो । फरक मत रखेकै कारण विवेकशील पार्टीबाट आएका नेताहरूमाथि उनले कारबाहीको डन्डा बर्साए । पार्टी कमिटीबाटै निर्णय गराएर राप्रपासँग एकता गर्ने उनको उद्देश्य पूरा हुन सकेन । केहि समय उनी पार्टीको कार्यलय जान सम्म सकेनन् ।

त्यसलगत्तै भएको स्थानीय तहको निर्वाचनमा उनको पार्टी पत्तासाफ हुने अवस्था भयो । उनले नैतिकताको आधारमा जेठ ११ गते अध्यक्ष पदबाट राजीनामा गरे । उनकै दलका नताहरूले मिश्रकै कारण साझा विवेकशील पार्टी तहसनहस भएको बताउने गरेका छन् । तिनै मिश्र अहिले राप्रपा प्रवेशको अन्तिम गृहकार्यमा लागेका छन् ।

राप्रपासँग अहिले उनले पदका लागि बार्गेनिङ गरिरहेको बुझिएको छ । पदमा कुरा मिले मिश्र केहीदिनभित्रै प्रवेश गर्ने तयारीमा छन् ।

उनले राप्रपाका अध्यक्ष राजेन्द्र लिङ्देनकै हैसियतमा अर्को मागेको स्रोतले बतायो । अहिले भने सहअध्यक्षका लागि बार्गेनिङ भैरहेको बताइएको छ ।

मिश्रले आफूलाई अध्यक्ष बनाउनुपर्ने प्रस्ताव गरेका थिए। तर राप्रपाले उनको प्रस्ताव अस्वीकार गरेको र अहिले सहअध्यक्षमा बार्गेनिङ भैरहेको छ ।

अध्यक्ष वा सहअध्यक्ष दुबै बनाउन नसकिने जनाउँदै राप्रपाले उपाध्यक्ष बनाउने प्रस्ताव गरेको थियो । राप्रपाका केही नेताहरूले उनलाई सहअध्यक्ष सिन भन्दै लबिङ गरिरहेका छन् ।