भरतपुरमा रेणुले फेरि घटाईन् मतान्तर
भरतपुर महानगरपालिकाका प्रमुखमा नेकपा माओवादी केन्द्र र नेकपा एमालेबीच प्रतिस्पर्धा भइरहेको छ।
पछिल्लो मत परिणाम अनुसार माओवादी उम्मेदवार रेनु दाहाल र एमालेका उम्मेदवार विजय सुवेदीबीच १७ मतको अन्तर छ।
सुवेदीले ४ हजार ९ सय १५ मत प्राप्त गरेका छन् भने रेनुले ४ हजार ८ सय ९८ मत ल्याएकी छिन्। त्यस्तै, कांग्रेसबाट बागी उम्मेदवार बनेका जगन्नाथ पौडेलले आफ्नो मत बढाउँदै लगेका छन्।
भुँईकटहर चुनाव चिन्ह पाएका स्वतन्त्र उम्मेदवार पौडेलले २ हजार २ सय ७५ मत प्राप्त गरेका छन्।
उपप्रमुखमा भने कांग्रेसका उम्मेदवार चित्रसेन अधिकारी राप्रपा उम्मेदवार हिमला गुरुङभन्दा १ हजार ९ सय ३८ मतले अघि छन्।
भरतपुर महानगरपालिकाको मतगणनालाई चासोका साथ हेरिएको छ। यहाँको वडा नं १, २ र ३ को अन्तिम मतपरिणाम सार्वजनिक भइसकेको छ।