‘सरकारले भेट्न सकेन शहीद गौतमको परिवारलाई’
आनन्दबजार, ३ चैत ।
भारतीय सुरक्षाकर्मीले गोली हानी हत्या गरिएका गोविन्द गौतमको परिवारलाई भेट्न र सान्तवना दिन अहिलेसम्म सरकारी टोली कोहि पुगेको छैन ।
सरकारले गौतमलाई शहीहद घोषणा गरेको थियो । सरकारले शहीहद घोषणा गरेको सञ्चारमाध्यमहरुमा सुनेपनि हालसम्म सरकारी टोली पुगेर त्यस्तो औपचारिक जानकारी नगराएको गौतम परिवारको भनाइ छ ।
सरकारले शहीद गौतमलाई राष्ट्रिय सम्मानका साथ अन्त्येष्टि गर्ने निर्णय गरे पनि सरकारी तवरबाट औपचारिकतामा सिमित राख्यो तर जनस्तरबाट भने उच्च सम्मान पाएको शहीद गौतमका बुबा खेमलाल गौतम बताउँछन् । नेपाल समाचारपत्रमा खबर छ ।