डा. शेखर कोइराला अस्पताल भर्ना
काठमाडौँ – नेपाली कांग्रेसका नेता डा. शेखर कोइरालालाई कोभिड पोजेटिभ देखिएको छ । कोइरालालाई ज्वरो आएपछि आज बिहान ग्राण्डी अन्तर्राष्ट्रिय अस्पताल लगिएको थियो ।
उनलाई आज बिहान ५ बजे अस्पताल लगिएको उनका स्वकीय सचिव दिनेश चन्द्र थपलियाले बताए । अस्पताल पुर्याएर पीसीआर चेक गर्दा उनमा कोभिड पोजेटिभ देखिएको हो । उनको ग्राण्डीको कोभिड आइसोलेसनमा राखेर उपचार भइरहेको छ ।
केही दिनअघि बारा, पर्साको कार्यक्रममा सहभागी भइ कोइराला काठमाडौंँ फर्किएका थिए । विराटनगरको कार्यक्रममा सहभागी हुन आज त्यसतर्फ जाने तय भएपनि कोइरालाको स्वास्थ्यमा समस्या देखिएपछि उनी अस्पताल भर्ना भएका हुन् ।