पोग्बा म्यानचेष्टर युनाइटेड फर्किए, तर क्लबले कीर्तिमानी मूल्य तिर्यो
२४ साउन, काठमाडौं । फान्सका मिडफिल्डर पाउल पोग्बा म्यानचेष्टर युनाइटेड फर्किएका छन् । तर, उनका लागि म्यानचेष्टर युनाइटेडले कीर्तिमानी मूल्य तिर्नु परेको छ ।
पोग्बाका लागि म्यानचेष्टर युनाइटेडले १०५ मिलियन युरो तिर्नु पर्नेछ । साथै बोनस र अरु खर्चलेे यो रकम अझ बढ्नेछ ।
पोग्बाले अबको केही दिनमा मेडिकल टेष्ट गर्नेछन् र म्यानचेष्टर युनाइटेडमा आवद्ध हुनेछन् ।
२३ वर्ष मिडफिल्डर २०१२ मा मात्र १.५ मिलियनमा म्यानचेष्टर युनाइटेडबाटै युभेन्टस गएका थिए । तर, रोनाल्डो र ग्यारेथ बेलको कीर्तिमानी ट्रान्सफर भन्दा ठूलो मूल्यमा उनी म्यानचेष्टर युनाइटेड र्फकँदैछन् ।
म्यानचेष्टर युनाइटेडका प्रशिक्षक जोजे माउरिन्होले पोग्बाका लागि युनाइटेड उपयुक्त ठाउँ भएको बताए । उनले भनेका छन्, उनलाई दिन हामीसँग सबै कुरा छ र, उनले किन क्लबलाई रोजे भन्ने हामीलाई थाहा छ ।’
यदि विश्वको उत्कृष्ट खेलाडी हुने हो भने बार्सिलोना र रियल मडि्रड बाहेक अन्यत्र जानु उपयुक्त हुने उनले बताए ।