महराले दिए चिनियाँ राष्ट्रपति र प्रधानमन्त्रीलाई नेपाल भ्रमणको निम्तो
३२ साउन, काठमाडौं । प्रधानमन्त्रीको विशेष दूत बसेर बेइजिङ पुगेका उपप्रधान एवं अर्थमन्त्री कृष्णबहादुर महराले चिनियाँ समकक्षी वाङ यीसँग भेट गरेका छन् ।
मंगलबार विहान भएको भेटमा नेपाल-चीन सम्वन्धबारे कुराकानी भएको छ ।
भेटमा विशेष दूत महराले चीनसँग भएको सम्झौता र सहमतिलाई नयाँ सरकारले कार्यान्वयन गर्ने प्रतिवद्धता व्यक्त गरेका छन् ।
साथै उनले राष्ट्रपति विद्या भण्डारीले चिनियाँ समकक्षी सी जिनपिङ र प्रधानमन्त्री प्रचण्डले आफ्नो समकक्षी ली खछ्याङलाई नेपाल भ्रमणका लागि पठाएको निम्तो पत्र हस्तान्तरण गरेका छन् ।
भेटमा चिनियाँ विदेशमन्त्रीले सरकार परिर्वतन नेपालको आन्तरिक मामिला भएको बताएका छन् । तर, उनले नेपालमा स्थिरता होस् भन्ने चीनको चाहना रहेको बताएका छन् ।
पढ्नुहोस् बेइजिङस्थित नेपाली दूतावासले निकालेको विज्ञप्ति