नेपालमा अब ७७ जिल्ला !
काठमाडौं ।
अब नेपालमा ७७ जिल्ला कायम हुने भएका छन् । रुकुम र नवलपरासी जिल्ला टुक्रिएर ४ जिल्ला बन्दा यस्तो हुने भएको हो ।
सोमबार बसेको मन्त्रिपरिषद्को बैठकले प्रदेश नं. ४ मा पर्ने नवलपरासी (बर्दघाट सुस्ता पूर्व) र प्रदेश नं. ५ मा पर्ने नवलपरासी (बर्दघाट सुस्ता पश्चिम) गरी दुई जिल्ला कायम भएको तथा प्रदेश नं. ५ मा पर्ने रुकुम (पूर्वी भाग) र प्रदेश नं. ६ मा रहने रुकुम (पश्चिम भाग) गरी दुई जिल्ला कायम गर्ने निर्णय गरेको हो ।
यो निर्णयसँगै २ जिल्ला थपिँदै देशभर ७७ जिल्ला कार्यान्वयनमा आउने भएका छन् ।
निर्वाचन आयोगले यसअघि स्पष्ट हुन नसकेको ती ४ जिल्लाको जिल्लासभा गठनका लागि जिल्ला समन्वय समितिको निर्वाचन प्रक्रिया अगाडि बढाएको छ ।