क्रिस गेल भन्छन: अश्वेत शक्तिशाली हुन्छन्, मलाई गर्व छ
एजेन्सी – क्यारेबियन टोली वेस्ट ईन्डिजको ब्याट्सम्यान क्रिस गेलले क्रिकेटमा समेत रंगभेद हुने गरेको बताएका छन् ।
अमेरिकामा एक अश्वेत नागरिकको प्रहरी कारबाहीमा निधन भएपछि विश्वभर उक्त घटनाको विरोध भइरहेको छ ।
अफ्रिकी मुलका ४६ बर्षिय जर्ज फ्लोयडको निधनपछि अमेरिकामा मानिसहरु आन्दोलित भएका छन् ।
घटनाले उग्र रुप लिएपछि अमेरिकामा दननौं शहरहरुमा कफ्र्यु लगाइएको छ भने राष्ट्रपति डोनाल्ट ट्रम्पले आन्दोलन सेना परिचालन गर्ने घोषणा गरिसकेका छन् ।
फ्लोयडको निधनको विश्वभर विभिन्न क्षेत्रकाव्यक्तिहरुले विरोध गरिरहका छन् ।
युरोपियन फुटबल क्लब र खेलाडीहरुले रंगभेदविरुद्ध अभिव्यक्ति दिएका छन् । सोही प्रशंगमा विष्फोटक ब्याट्सम्यान गेलले रंगभेदफुटबलमा मात्रै नभएर क्रिकेटमा पनि हुने गरेको बताएका हुन् ।
फ्लोयडको निधनपछि अमेरिकामा पुलिस र सरकारलाई अश्वेत विरोधी आरोप लागिरहेको छ ।
२५ मेमा मिनियापोलिसबाट सुरु भएको विरोध प्रर्दशन अमेरिकासहित विश्वभर यसको विरोध भइरहेको छ ।
गेलले सामाजिक सञ्चाल ट्वीटरमा ट्वीट गर्दै आफ्नो विचार राखेका छन् ।
‘कोही अरु मानिसका जीवन जस्तै अश्वेत मानिसको जीवनले पनि अर्थ राख्छ । नश्लवादी मानिसलाई लाज लाग्नुपर्छ । मैले संसारभर यात्रा गरेको छु, मैले आफै नश्लीय टिप्पणीको अनुभव गरेको छु,’ गेलले लेखेका छन्, ‘किनकी म अश्वेत हुँ । खाली फुटबल मात्र होइन, क्रिकेट समेत यसबाट अछुतो छैन । अश्वेत टिमभित्र सधै निराशमात्र हुन्छ । अश्वेत शक्तिशाली हुन्छन्, मलाई गर्व छ ।’
खेलकुदमा समेत विभिन्न समयमा रंगभेदी टिप्पणी देखिने र सुनिने गरेको छ । युरोपको शीर्ष डिभिजनको फुटबलमै खेलाडीमाथि दर्शकले रंगभेदी टिप्पणी गर्ने गरेका छन् ।