गजल « Himal Post | Online News Revolution
Logo

गजल



उसले बिर्सिनुपर्ने बाचा निभाएर गयाे
बालुवाले छाेपेर मुहान लुकाएर गयाे ।

दिर्घायुकाे कामना पनि गरेकाे हुनसक्छ
दीयाे सल्कायाे र भेलमा बगाएर गयाे ।

घरभित्रै खरानी भए धन जाेगाउनेहरू
आगाे देख्याे पशुले दाम्लाे चुँडाएर गयाे ।

हुँदाकाे सुख सम्झेँ गुमाउँदाकाे दुखलाई
घाम डुब्ने ठाउँसम्म पुग्न उदाएर गयाे ।

हरेकपल्ट टुक्रिएँ सम्हालिएँ यही साेचेर
याे बर्बादीले पनि उचाइमा पुर्याएर गयाे ।

– विजय योजित
झापा, हाल: दोहा कतार