गजल
म प्यूँथेँ अझै पिलाई दियो मजा भैदियो
म भन्दा बढी उसैले पियो मजा भैदियो!!
चिनेको रहेछ उसले म झन् नचिन्ने बनेँ
कुरा जो सुनेर अल्मल्लियो मजा भैदियो!!
यता मस्त स्वप्नमा थेँ उता कुराई रहेँ
म जाँदा नि पर्खिएकै थियो मजा भैदियो!!
दुखएँ मुटु कतै बिर्सियो कि भन ठानेर
अहो धेर वर्षमा सम्झियो मजा भैदियो!!
मर्यो रे भनेर परदेशमा थियो सब रुँदै
आचनक जिएर ऊ फर्कियो मजा भैदियो!!
नानु मगर
किचनास, स्याङ्जा