दिल्लीमा रहेको नेपाली बिद्यार्थीहरुको संस्था “हातेमालो”को फुटवल प्रतियोगिता सम्पन्न
दिल्लीमा रही सीए अध्ययन गरिरहेका नेपाली विद्यार्थीहरूको संस्था “हातेमालो नेपाली विद्यार्थी समूह” ले जुलाई ३१ का दिन दोस्रो फाइभ-ए-साइड फुटबल प्रतियोगिता सम्पन्न गरेको छ ।
लक्ष्मीनगरको स्थानीय ललिता पार्कमा आयोजित उक्त प्रतियोगितामा कुल १४ टिमको सहभागीता रहेको थियो । उक्त प्रतियोगितामा कै
लाश श्रेष्ठ कप्तान रहेको स्टार-११ फुटबल क्लबले प्रथम स्थान हासिल गरेको थियो भने प्रसित शर्मा आचार्यले नेतृत्व गरेको रियल युनाईटेडले दोस्रो स्थान हासिल गरेको थियो ।
प्रथम र द्वितीय स्थान प्राप्त गर्ने टोलीलाई पुरस्कारको रूपमा क्रमश: नगद रु ६००० र ४००० प्रदान गरिएको थियो । उक्त प्रतियोगितामा नेपाली तथा स्थानीय भारतीय दर्शकको उत्साहजनक सहभागिता थियो । “हातेमालो” मुलत: विद्यार्थीको हक, हित र सीए अध्ययनसं
गै सम्बन्धित शैक्षिक र व्यावसायिक विकास र स्तरोन्नतिका लागि दत्तचित्त संस्था भएको साथै यस संस्थाले समय समयमा नेपाली संस्कृति जगेर्ना गर्ने हेतुका साथ संस्कृतिक कार्यक्रम र मनोरंजनका लागि विभिन्न खेलकुद प्रतियोगिताहरू आयोजना गर्दै आइरहेको पनि छ ।उक्त गौरवशाली परम्पराहरू मध्ये फुटबल प्रतियोगिता पनि एक रहेको कुरा संस्थाकै अध्यक्ष सुनिल बुढाथोकीले बताए ।