पूर्व पश्चिम राजमार्ग बन्द भएपछि हजारौँ यात्रु अलपत्र
साउन ३२, नवलपरासी ।
दाउन्नेमा बाढीका कारण सडक भत्किएपछि पूर्व–पश्चिम राजमार्ग २४ घण्टाका लागि सडक बन्द गरिएको बताइएको छ । जिल्ला प्रशासन कार्यालयले सूचना जारी गरेर सडक बन्द गराएपछि हजारौँ सवारीसाधन तथा यात्रुहरु अलपत्र परेका छन् ।
जिल्ला प्रशासन कार्यालय नवलपरासीले सडक मर्मतका लागि भन्दै मङ्गलवार राति १० बजेदेखि बुधवार राति १० बजेसम्मका लागि सडक बन्द गराएको हो ।
साना सवारी साधन पास भएको भए पनि ठुला सवारी साधन पास हुन सकेका थिएनन्, त्यसैले सडक मर्मतका लागि बन्द गरिएको एक कर्मचारीले बताए ।