श्रीलंका सरकारद्वारा एमसीसी सहायता फिर्ता गर्ने निर्णय
काठमाडौं- श्रीलंकाले पनि एमसीसी सहायता फिर्ता गर्ने भएको छ ।
श्रीलंकाकाे मन्त्रिपरिषदले अमेरिकी सहयाेग मिलिनियम च्यालेन्ज कर्पोरेसन (एमसीसी) पारित नगर्ने निर्णय गरेकाे हो ।
लामो समय बिबादित बनेको एमसीसी सम्झौता श्रीलंकामा पनि नेपालमा जस्तै त्यहाँको सरकारले ४ सदस्यीय अध्ययन समीती बनाएको थियो ।
नेपालमा जस्तै श्रीलंकामा पनि लामो समय एमसीसी तीव्र विवादमा परेको थियो । बिबाद चुलिंदै गएपछि त्यहाँको मन्त्रिपरिषद्ले यथास्थितिमा कार्यान्वयन गर्न नसकिने निर्णय गरेकाे हाे ।
श्रीलंका सरकारले सम्झौताका बुँदा परिमार्जन गर्न नमिल्ने भएन यथास्थितिमा पारित गर्न नसकिने निर्णय गरेको बताइएको छ ।
अध्ययन गर्न गठित समितिकाे प्रतिवेदनले यथास्थितिमा एमसीसी पास गर्न नहुने नहुने सुझाव दिएकाे थियाे ।
श्रीलंकाका प्रधानमन्त्री महिन्द्रा राजापाक्छेले समितिकाे प्रतिवेदन मन्त्रिपरिषदमा पेश गरेपछि मन्त्रिपरिषदले शुक्रबार एमसीसी अघि नबढाउने निर्णय गरेकाे हाे ।
सम्झौता नै अपारदर्शी रहेकाे भन्दै साे सम्झाैता कार्यान्वयन गर्न नसकिने निष्कर्षमा मन्त्रिपरिषद पुगेकाे थियाे ।
त्यहाँका संविधान र अन्य कानूनको उल्लंघन गरेर राष्ट्रहित विपरीत सम्झाैता रहेकाे ठहर गरिएकाे छ ।
नेपालमा पनि संविधानभन्दा माथि रहने गरी राष्ट्रविपरीत रहेकाे एमसीसी सम्झाैताकाे तीव्र विराेध भइरहेकाे छ ।
यसकाे अध्ययनका लागि सत्तारूढ नेकपाले एक कार्यदल गठन गरेकाे थियाे, जसले पनि एमसीसी राष्ट्रहितमा नरहेकाे भन्दै यथास्थितिमा पारित नगर्न सुझावसहित प्रतिवेदन सरकारलाइ बुझाइसकेकाे छ ।